Gaming News, News

تقرير : لعبة PUBG 2 في التطوير الآن

blank

أظن هتبقى حاجة غريبة بالنسبة لناس كتير لما يسمعوا إن لعبة PlayerUnknown’s Battlegrounds 2 في التطوير دلوقتي بس فعلاً من الواضح إن ده الي بيحصل !

تقرير جديد انتشر من مُسرب PUBG الشهير على تطوير @PlayerIGN بيأكد فيه شوية معلومات انتشرت من قاعدة بيانات شركة PUBG Corporation بتأكد إن الشركة شغالة في الوقت الحالي على  جزء ثاني من لعبة الباتل رويال الأكثر شهرة في العالم.

لعبة PlayerUnknown’s Battlegrounds 2 من الواضح إنها في الوقت الحالي بيتم تطويرها على  محرك Unreal Engine 4 بس طبعاً هتتنقل للنسخة الجديدة UE5 لما تنزل خلال سنة 2021. ده معناه اننا هنشوف تطور رسومي رهيب عن اللعبة الموجودة في الوقت الحالي وفعلاً الجزء الجديد هيكون يليق بالجيل الجديد من أجهزة الكونسول.

على  حسب التقرير الأخير فالإعلان عن اللعبة إحتمال يكون السنة ديه بس لسة مش عارفين هتنزل في 2021 ولا ممكن تنزل في 2022. اللعبة هتتوفر على الحاسب الشخصي و PlayStation 5 و Xbox Series X|S وطبعاً هتتوفر على  الهواتف الذكية. مش بس كدة ، لا ده التقرير بيأكد إن اللعبة هتدعم اللعب المشترك بين كل المنصات زي Fortnite.

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.