Gaming News, News

ريميك The Last of Us سيُقدم إضافات مميزة

موقع Game Reactor نشر مقالة جديدة بيتكلم فيها عن الريميك الخاص بلعبة The Last of Us والي  لحد دلوقتي هو مجرد تسريب مفيش عنه معلومات رسمية.

على حسب كلام موقع Game Reactor فالريميك مش بس هيقدم تحسينات للرسوميات والدقة والأداء للعبة للإستفادة من منصة PlayStation 5، بل كمان هنشوف تحسينات قوية لأسلوب اللعب عشان تتماشى مع المستوى الخرافي الي اتقدم في The Last of Us Part II. نتمنى بس إنهم ميبوظوش القصة وميلعبوش فيها.

حالياً مفيش أي تفاصيل عن الريميك خاصةً وإنه لسة مجرد إشاعة مش تأكيد رسمي، بس لو الريميك هينزل قريب فتوقعوا إن سوني تعلن عنه خلال السنة ديه تجهيزاً لإصداره في 2021 أو 2022 بجانب مود الأونلاين الجديد الي هيصدر لسلسلة The Last of Us، بشكل عام احنا متحمسين نشوف الريميك هيقدم ايه ونتمنى تكون تجربة مميزة.

لو تفتكروا فا خلال الفترة الي فاتت المخرج Neil Druckmann أكد إن بقى فيها شكل اساسي لقصة The Last of Us Part 3 ولكن الإستوديو مش هيشتغل عليها في الوقت حالي. تابعونا على السوشيال ميديا عشان تعرفوا أخر أخبار The Last of Us وحصريات PlayStation :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.