الأخبار, عن الألعاب

فريق CD Projekt RED يعمل بشكل ازيد من الطبيعي لإنها Cyberpunk 2077

تقارير أخيرة انتشرت خلال اليومين الي فاتوا بتأكد إن إستوديو CD Projekt RED بكل العاملين فيه هيشتغلوا وقت أطول خلال الشهر ونص الجايين عشان يخلصوا شغل على  لعبة Cyberpunk 2077.

رئيس الاستوديو طلع بيان على حسابه الرسمي على موقع تويتر بيوضح فيه ان ده حقيقي فعلاً وان الموضوع حصل بالتراضي بين افراد الاستوديو كلهم ومفيش حد مضايق من القرار بل هما معندهمش مشكلة يشتغلوا اكتر عشان يخلصوا اللعبة بأفضل شكل في الوقت المحدد.

مجموعة من اللاعبين والإعلاميين مش عاجبهم الكلام وشايفين ان الافضل ان اللعبة تتأجل بدل ما العاملين في الاستوديو يشتغلوا وقت اطول ولكن بإختصار اللعبة هتصدر في وقتها المُحدد ومفيش تأجيلات تاني.

لعبة Cyberpunk 2077 هتتوفر على الحاسب الشخصي و PlayStation 4 و PlayStation 5 و Xbox One و  Xbox Series X | S يوم 19 نوفمبر 2020، اللعبة هي أكثر لعبة الناس متحمسة ليها في 2020 حالياً والكل بيتمنى انها تاخد جائزة لعبة السنة.

هتتوفر برضو اللعبة على خدمة البث السحابي Google Stadia ولكن في وقتٍ ما في سنة 2021 ولسة مش مُحدد تفاصيل. كمان هينزلها تحديث هيحسن من رسوماتها على  أجهزة الجيل الجديد في 2021.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.