إشاعة جديدة تم نشرها من Bestpin Bulletin بتأكد إن لعبة Star Wars Jedi Fallen Order 2 في التطوير حالياً وهتصدر خلال سنة 2022. الإشاعة بتأكد إن إستوديو EA DICE شغال حالياً على الجزء الرئيسي الجديد من سلسلة Battlefield بعنوان Battlefield 6 والي هيصدر في 2021 للجيل الجديد من أجهزة الكونسول.
بالنسبة بقى لإستوديو Respawn Entertainment فا هما كمان شغالين على لعبة للجيل الجديد. اللعبة ديه هتكون الجزء الثاني من سلسلة Star Wars Jedi Fallen Order وبعد النجاح الضخ مالي حققه الجزء الأول من ناحية المبيعات والتقييمات فا كلنا كنا متوقعين وجود جزء ثاني.
اللعبة حالياً في التطوير لمنصتي Xbox Series X و PlayStation 5 ولحد دلوقتي شركة Electronic Arts مأكدتش أي حاجة. شخصياً متوقعش إننا نشوف أي إعلان رسمي عن العبة في أي وقت قريب ولكن بشكل عام إحنا عارفين فعلاً ان اللعبة في التطوير.