الأخبار, عن الألعاب

قصة Cyberpunk 2077 هتكون أقصر من The Witcher 3

أكد إستوديو CD Projekt RED في تصريح أخير إن قصة لعبته الي جاية Cyberpunk 2077 هتكون أقصر من قصة The Witcher 3 Wild Hunt.

متوسط الوقت الي كنت محتاجه عشان تخلص قصة The Witcher 3 Wild Hunt كان حوالي 50 ساعة تقريباً والإستوديو أكد إن قصة Cyberpunk 2077 هتكون أقصر من كدة بحاجة بسيطة مش بكتير، سبب ان الاستوديو خلى القصة اقصر شوية هو ان ده افضل حاجة للعبة وان في ناس مكملتش لعبة The Witcher 3 بسبب ان القصة كانت طويلة جداً.

الاستوديو مقالش القصة هتخلص في اد ايه تقريباً بس أكد إن المهام الجانبية وكل حاجة ممكن تعملها في العالم بتاع اللعبة هتكون زي The Witcher 3 أو أضخم كمان فأنت هيبقى معاك لعبة هتفضل مكملة معاك لحد 150 و200 ساعة لو حبيت تخلص كل حاجة اساسية وجانبية.

لعبة Cyberpunk 2077 هتتوفر على البي سي و الجيل الحالي والجديد من الكونسول يوم 19 نوفمبر 2020. اللعبة هتشتغل بشكل ممتاز على كل المنصات بدون مشاكل وهيوصلها تحديث مجاني هيحسنها على الجيل الجديد رسومياً وتقنياً خلال 2021.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.