Articles, Console News, Gaming News, News

ملحمة الملائكة والشياطين الكبرى….. قصة لعبة Diablo

اكيد كتير منا شاف اعلان الجزء الرابع ل Diablo فحبيت اوضح مين الشخصيات اللي ظهرو ومين العدو الجديد هنا في الجزء ده، لأن الموضوع مشوق جدا وده بسبب ان ديماً احنا كنا في الاجزاء السابقة بنحارب الشياطين الاشرار الهما جزء من الحرب الابدية وبعاد كل البعد عن البشر هنا بقى ظهر في آخر الفيديو قيامة Lilith مين دي بقى ؟ وليه هي مختلفة عن اي شرير قبل كده؟

هنعرف دلوقت:

أولا دي شكلها العدو الرئيسي في الجزء بس الغريب في الموضوع ان هي المفروض ام البشر، ايه البتقوله ده يعم؟ ركزوا معايا بقى عشان هحكي بالمختصر عنها وعن قصة ديابلو عموما

في حرب كونية (اسمها الحرب الابدية) ودي حرب مستمرة بلانهاية بين الملايكة والجن بس في واحدة من الجان اسمها Lilith ودي بالمناسبة بنت Mephisto احد الزعماء الاشرار الكبار اللي بنحاربه في الجزء الثاني، هي كانت مش مع الحرب دي وشايفاها حالة ميأوسة منها ولازم تنتهي وعلشان هي مينفعش تنتهي هربت مع ملاك اسمه Inarius بعيد عن الحرب وكان معاهم تابعين لهم من الملايكة والجان، وبقوا اسمهم المرتدين.

وبعد كده Lilith عرفت مع Inarius تسرق الWorldstoneوده حجرمن جسم اول كينونة ظهرت في العالم، وبالحجر ده خلقوا عالم جديد سموه Sanctuary الهو الأرض يعني، وجابت عيال من Inarius ومن أتباعه من الملايكة الهربانين معاهم -المرتدين- العيال دول بقى اسمهم Nephalems والذرية الجديدة دي كده امهم جان وابوهم ملاك وده خلاهم عندهم قوة خاصة مختلفة عن الاسلاف، وبالمناسبة الNephalems هما دول البنلعب بيهم

المهم المرتدين شافوا ان وجود الNephalems امر خطير بسبب انهم اقوى منهم كمان وظهرت نظريات بتقول ان دي خطة Lilith من البداية انها تنهي الحرب باستخدام الذرية الجديدة دي، وده امر مكنش عاجب Inarius والكان رافض فكرة الحرب وقرر اضعاف قوة الNephalems ، طبعا Lilith اتجننت من كده وحاربته بس Inarius انتصر وحبسها في ال Void وده عالم فارخ من المكان والزمان وراح Inarius استخدم الWorldstone ودهور قوة الNephalems ومع الوقت بقوا ضعاف وmortals وبقى اسمهم البشر. وهنا ظهر البشر وInarius خلاهم يعبدوه وعايش في مملكته بعيد عن الحرب الكونية

طبعا انا مش هحكي عن قصة اجزاء ديابلو الاساسية وازاي الحرب وصلت للارض وبقينا نحارب الشياطين الكبار عشان الموضوع ميطولش وعشان اكون مركز عن قصة Lilith الشخصية الرئيسية للجزء الرابع -بس لوعايزين احكي عن الموضوع ده قولولي-

نرجع بقى لLilith جماعة من البشر عملوا ديانة جديدة وكان هدفهم استدعاء Lilith سرا ونجحوا في كده وهي رجعت فعلا متخفية في شكل بشري وقدرت ترجع بعض البشر لقوة الNephalems بس سرعان ما Inarius يكتشف الامر ويحارب Lilith ويحبسها مجددا وبقوة اكبر بس طبعا بقى في الNephalems موجودين ومتخفيين وهيظهروا في احداث ثلاثية ديبابلو وهنحارب بيهم غزو الشياطين للارض او لل Sanctuary بمعنى ادق، طب فين Inarius ؟ في أول الغزو من الشياطين Mephisto انتقم لبنه وهزم وقتل Inarius وبقت الارض مقسمة للمالك ومدن والمفروض هما يتحدوا ويساعدوا الNephalems في حربهم ضد الشياطين في كل مره

هنا بقى شكلنا هنحارب لLilith الموضوع هيتم ازاي ده المتحمسله لان زي ما هي شرحت هي مش زي اي جان واجهناه قبل كده، هي ام الNephalems اللي بنلعب بيهم، فياترا ايه هدفها المره دي ؟

شوية تريفيا كده على الماشي

1- اسم Lilith متاخد من اسم شيطانة العواصف والمرض من حضارة بلاد الرافدين

2- الاسمه Rathma ده اللي في الصورة بيكون اول مولود يعني اول الNephalems وده كان محبوس برده من قبل Inarius  .