Articles, Console News, Gaming News, News, Reviews

مراجعة لعبة التنس Match Point

مراجعة سريعة للعبة التنس Match Point والتي توفرت لخدمة الجيم باس

اللعبة اولا حجمها بسيط ٤جيجا ونص تقريبا وبتدعم بشكل مفاجئ اللغة العربية و الي كان مهم بصراحة في الTutorial لأي حد ملوش اوي في التنس

الجرافيك:

بسيط جدا تفاصيل الشخصيات و تصاميمهم سيئة و لا ترقى انها تكون لعبة من جيل PS3 حتى الانيميشن بسيط الجماهير سيئة، اللعبة كمان فيها مشاكل تقطيع Tearing و هبوط فريمات في بعض الاحيان،فا الجانب التقني عموما و البصري يعتبر متواضع جدا جدا .

الاطوار:

في اكيد الQuick Match و طور المهنة الي بتلعب فيه بشخصية من تصميمك و بتدريها و غيره في برضو طور التدريب و في اونلاين كذلك في اللعبة اضافة ظريفة و مهمة،اللعبة للأسف المحتوى فيها ضعيف جدا عدد اللعيبة بسيط جدا ومش حتى اقوى الاسامي في التنس من خبرتي المتواضعة الملاعب بتقتصر على انك تختار من تراب او صلب او زرع مافيش استادات مختلفة هما دول بس

الجيمبلاي:

طريقة اللعب اظن هيا الحاجة الوحيدة العدلة في اللعبة دي لأن نوعا ما فيها عمق شوية بحيث انك في ٤ طرق بتضرب بيها الكورة بعيد عن القوة الي بتضرب بيها و المكان الي هتوجه فيه الكورة يعني في ضربة ملتوية ضربة ساقطة ضربة مسطحة و هكذا، الجيمبلاي ظريف شغال ولكن اللعبة تحسها ميتة بسبب جزئية ان تقريبا يعتبر مافيش تعليق او صوتيات في اللعبة غير ضرب الكورة بس وساعات اللعيبة بتحن عليك تطلع صوت الحزق الشهير بتاع رافايل نادال 😀

بشكل عام لعبة Match Point لعبة بسيطة جدا متقدمة بشكل مجاني على الجيم باس فت انا مش عايز اقسو عليها كفاية ان اصلا مافيش لعبة تنس عدلة في الساحة حالياً زي ايام Virtua Tennis مثلا من SIGA فا لو بتحب التنس معاك XBOX اديها تجربة مش هتخسر حاجة هيا كلها على بعض ٤ ونص جيجا

التقييم النهائي

 7/10