Articles, Console News, Gaming News, News, Reviews

مراجعة إضافة Forza Horizon 5 ” Hot Wheels”

المقدمة:

إضافة Hot Wheels اضافة محبوبة جدا و تعتبر أفضل اضافات السلسلة اول مرة نزلت الإضافة دي كانت في الجزء الثالث و دلوقتي رجعت تاني في الجزء الخامس،و لو حد مايعرفش ايه Hot Wheels فا دي تعتبر اكبر شركة بتصنع عربيات لعب صغيرة في العالم بالأضافة للعديد من مضامير السباق الي فيها افكار غريبة و جميلة جدا و يمكن الجيل الجديد هوا الي هيعرف الكلام ده اكتر

عالم اللعبة:

الإضافة بتوفر خريطة جديدة تماماً و الخريطة دي موجودة وسط السحب فوق الخريطة الأصلية للعبة و بتتكون من ٣ مناطق ثلوج و غابات و صحراء بيربط بينها تراكات Hot Wheels البرتقالي الشهيرة،حجم الخريطة مش كبير هوا بيتكون من ١٧٥ طريق عكس اللعبة الأصلية الي داخل في ٥٠٠ طريق مافيش مقارنة طبعاً.

المهمات و نظام التطور:

يمكن ده احسن جانب في اللعبة و الي حل مشكلة كانت موجودة في اللعبة الأصلية وهوا انو مش بيفتحلك كل العربيات من اول اللعبة لا انتا بتطور بالمستوى من عربيات نوعاً ما مش سريعة اوي لعربيات اسرع و اسرع و هكذا عن طريق انك في كل مستوى لازم تفوز بالمركز الأول في ال٥ سباقات الي موجودة في المستوى بالأضافة لبعض التحديات التانية و الأنشطة الجانبية الي بتتنوع من Drift Zone(تحقيق اكبر نقط من خلال عمل دريفت في مسافة معينة) و Danger Zone(انك تحقق اعلى قفزة من مكان عالى) و Speed Trap (تحقق اعلى سرعة ممكنة فى الرادار) و بعض الأنشطة التانية زي انك

 تروح من مكان لمكان تاني بعيد في اقل من دقيقة ونص مثلا و الي كانت ممتعة جدا،اللعبة بتوفر ٥ سباقات تانية كل سباق بيخليك تجرب عربية جديدة من عربيات Hot Wheels و بيحكي عن جزء من تاريخ Hot Wheels برضو و التحديات دي بتديك جوايز من عربيات و ملابس و اخر دلع بشكل عام السباقات مسلية و سريعة و مجنونة.

طريقة اللعب:

طبعاً خلينا فاكرين ان دي اضافة يعني بتحمل نفس الميكانيكس و الأنيميشن الي موجود في اللعبة الأصلية فا مش هنتكلم عن الجزئية دي بس هنتكلم عن الجديد الي موجود وهوا التراكات،التراكات هنا في اللعبة مش بس من النوع البرتقالى العادي لا في كمان تراكات مغناطيسية و دي بتخلي العربية تلزق فيها عشان ماتتقلبش من التراك ده و الي غالباً بيبقى بزوايا حادة

 و في تراكات على شكل زحاليق مياة و دي كانت امتع حاجة بتخلى العربية تتزحلق و تمشي بسرعة عالية و طبعا لازم نذكر الحلزونات و الألتفافات الي موجودة في تالم اللعبة،ماينفعش انسى برضو المراوح الي موجودة في بعض التراكات و الاماكن الي بتمشي عليها و الأتنين بيدوك Boost للعربية عشان تمشي بسرعات مجنونة،طريقة اللعب ممتعة جداً ببساطة

الملخص:

الخلاصة بالنسبالي و خليني افجرها Hot Wheels افضل من اللعبة الأصلية و دا مش عيب في اللعبة الأصلية هوا الفكرة للأسف ان التوجه الفني و اختيار الأماكن في سلسلة Forza horizon بقى نوعاً ما شبه بعضة فا طبيعي هيسبب ملل للواحد و الي كسر الملل ده وادى تغيير و نسمة هواء جديدة للعبة الإضافة دي فا انصح شخصياً بتجربة الإضافة في حالة امتلاكك اللعبة الأصلية

التقييم النهائي

8/10