Articles, Console News, Gaming News, News, Reviews

مراجعة لعبة TMNT Shredder’s Revenge

لعبة Teenage Mutant Ninja Turtles Shredder’s Revenge

هيا لعبة مستوحاة من الانميشن الشهير سلاحف النينجا Beat em up (الهدف الرئيسي ضرب عدد كبير من الاعداء) نزلت في التسعينات على اجهزة الArcade الي هيا بتبقى في الملاهي وبتشتغل بعملات دي فا لو انتا جربت الاجهزة دي قبل كدا هتبقى عارف ان الأجهزة دي بتحاول تسحب اكبر فلوس من الواحد كل ما تموت تدفع تاني عشان تكمل لعب و هكذا،فعلى ما يبدو ماكفاهمش الفلوس الي لموها وقالو يعملو ريماستر ليها بس المره دي على الاجهزة المنزلية تلعب و تعيد براحتك،اللعبة لسا نازلة امبارح حجمها ١ جيجا بس و مجانية على الجيم باس.

طريقة اللعب ونظام اللعبة:

اللعبة بتحتوي على اتنين موود واحد القصة العادي و واحد اركيد الكلاسيكي الفرق هوا ان الاركيد لو استنفذت عدد الارواح بتاعتك هتعيد القصة من اول وجديد و كمان مافيش سيڤ للتقدم بتاعك ولكن بشكل عام اللعبة تخلص في حوالي ساعتين ١٦ مهمة كل مهمة حوالي ٧ دقايق مثلا وتقدر تلعب اونلاين او لوكل لحد ٦ أشخاص الاربع سلاحف و سبلنتر و ابرل و اكيد لما تلعبها مع اصحابك هتبقى امتع بكتير،من ناحية طريقة اللعبة نفسها هيا بسيطة جدا طبعا زي ما قلت بتختار شخصية بتتحرك بيها يمين وشمال و قدام وورا في الشاشة او الفريم الي اللعبة ثابتة عليه و بيجي عليك امواج من الاعداء وانتا بتقتلهم عن طريق انك تفضل دايس على زرار واحد ورا بعض بشكل سريع

وعندك ضربة سبيشيال و حركات يعني بسيطة و كل شخصية ليها انيميشن مختلف شوية و طريقة لعب مختلفة لأن في شخصيات سريعة مثلا بس مش قوية اوي و شخصيات العكس وهكذا،يمكن العيب الي واجهني شخصيا في اللعبة دي جزئية منظور الرؤية نخلي الوضع صعب شوية انك توسطن الشخصية بتاعتك قدام العدو عشان تعرف تضربه فهتلاقي نفسك بتضرب في الهوا كتير بس انا متفهم الجزئية دي لأن اللعبة زي ما قلت هيا ريماستر للعبة نازلة من بتاع ٣٠ سنة فا قدرات الأجهزة ساعتها ماكنتش تسمح للمطورين ساعتها من انهم يقدمو الحاحة الي عيازين يقدموها

الصوتيات: اللعبة بتقدم تراكات كلاسيك و تراكات تانية ريمكس من التراكات الكلاسيك التراكات دي حماسية و مناسبة لجو اللعبة و جو النوستاليجا.

الرسوميات: بسيطة جدا من نوع 2D و الشخصيات مكونة من مربعات صغيرة زي لعب الاتاري.

الخلاصة:

اللعبة دي بتقدم تجربة بسيطة و كلاسيكية هتعجب جدا الناس الي كانو بيلعبو على الاتاري و الأجهزة الي ما قبل سنة ٩٥ بحجم و متطلبات تشغيل بسيطة جداً انصح بيها

التقييم النهائي

8/10